.....kahan.......

paero ke talvo pe halki si gudgudee...
nanhe bacche ke pehli woh adkhuli hansi...

gili mitti ki saundhi mehak...
shaam ko chidiyo ki chahak...

sard raato mein ghar ke choolhe ki garmi...
dard mein maa ke hatho ki narmi...

tez dhoop mein baraf gole ki chuski...
daadi se mili athani aur unki chuppi si muski...

doston ke sath raat bhar ki hui baatein....
sardi ke mausam mein moti rajai mein biti hui raatein...

subah subah school ki bus ko bhagte bhagte pakadna....
badi behen se jhooth-mooth ka jhagadna....

woh pehli baar baba se cycle seekte huye girna...
holi ke din sabke sath mahaulle bhar firna...

hmmmm........

kahan gaya sab....dhu-aan sa lagta hai....
raakh ko bachaye huye hai....kab tak....
kaha gaya sab...